إجراءات توثيق الشهادات من الجزائر 

1) الباك + كشف نقاط الباكالوريا لوريجينال يروحو لوزارة التربية والتعليم فالمرادية L Golfe يتوثقو لتم تروح بكري تحط و تستنى وحد ساعة يعيطولك.

2)  ليسانس لي رولفي دياولو + ماستر و لي رولفي دياولو  سواءا شهادات مؤقتة أو نهائية يروحو للريكتورا يتوثقو 

لي رولفي تاع لافاك لازم يكونو

Obligatoire doivent être en forme ministérielle

يعني كي تروح لافاك تخرجهم قولهم نسحقهم بهاد لافوغم باش ندير لي ديمارش ... فيزا ديتشود ..ولا.. مهم يفهمو

3) ليسانس و ماستر و رولفياتهم كاملين+ 

 la demande d'authentification⁦⚠️⁩

لي تستخرجوها مسيت كي تجو تدو rendez-vous  نتوما خرجوها و روحو ماتسناوش يعطوكم rendez-vous 

كامل يروحو لوزارة التعليم العالي والبحث العلمي في بن عكنون + "الباك وليرولفي" تدوه معاكم يحتاجوه

 تروح بكري تحط وتسنى يعيطولك

4) الآن تدي كل الدبلومات و الرولفيات الى وزارة الخارجية وين التامبر تع 20 إجباري لكل الدبلوم المراد توثيقه .. لي رولفي مايحتاجوش تامبر.

تروح قبل بكري دير لاشان تحط وتسنى يعيطولك 

5) آخر مرحلة تدي كلش للسفارة الإماراتية فحيدرة وين هنا تخلص 6000دج لكل الدبلوم المراد توثيقه.

هنا تكون اتممت مهمة التوثيق بالتوفيق للجميع.